Muna

يالبيه يامدونتي .. إشتقت لك كثر إشتياقي للشسمه ..

أهلي مستغربين مني وأنا مستغربه من نفسي أكثر .. سابقاَ أول ماأجي من المدرسة ع طول ع الجهاز ودوغري أفتحه وأجلس عليه ..

هزي السنه غير غير تماما أجي وأحياناً أتغدى وأنام أقوم اذاكر وع التي في وهكا ع هالموال ..

الموهييم .. بكرا إختبار إنقلش .. فاهمة الدروس أوكيك نوعا ما ممكن ’ ضامنه الفل مارك <- أشك صراحة

فيه موقف صارلي يوم الثلاثاء الي فات .. جيت متأخر كالعادة إكتشفت إنو اول حصة علينا جوغرافي " جغرافيا " <- أحب أسميها هكَا ..

شفت شنط بنات فصلي عند المعمل ويَ المصيبه الي صارت المشكلة هزي المعلمة ماتدخل البنات المتأخرت لازم ورقة من الإداره والإداره التهزيئ ياخذون رقم بيتك وينكدون ع امك نومتها ههههههههههههههههه مع اني اشك انهم يدقون

حطيت شنطتي وطلعت كتابي ورحت الحمامات جلست اتصلح شويتين <- هذي الي تأخرت من قلب هههههههههههه

وأنا ماشيه بروح الإداره شفت إداريه طالعه وعيونها مبققه بعنف علي تقول وين وين وين انا فزيت ههههههههه كأني مسويه جريمة .. " 

- روحي فصلك ياطالبة وش منزلك

+ أبغى ورقة دخول الإستاذة مارضت تدخلني <- وانا اساسا توني مادخلت فقش عيني عينك

 - جيبي ورقة منها 

+ ورقة وش   <- أحلفلكم اني تورطت هنا

- ورقة من الإستاذة عشان أعرف انها منزلتك

+ هاه مامعي ورقة فصلي بعدين ف المعمل عند إستاذة ف####

- طيب ليش مانزلتي بدري معهم 

+ وين انزل

- ليش رحتي فصلك وما حطيتي شنطتك معهم 

+ إستاذة توني جايه من البيت وحطيت شنطتي هنا تبيني أوريك ؟؟ <- بايعتها

- توك جايه أمانه < تقول امانه  ، ويقولون لنا حرام والله اني جيت بنصحها بس مالي خلق

- سجلتي تأخير ؟؟

+ تأخير !!

- ايه روحي سجلي وتعالي اعطيك ورقة 

- وين بايعه عمري أروح عند الإداره أقولهم سجلوني تأخير تراني تأخرت مابقى الا هي والله

المهم وجالسه اعصر مخي وش اسوي قلت مافيه الا اني ادخل عند الإداره ويصير اللي يصير .. 

قرأت المعوذات ودخلت  ، لقيتهم مندمجين بالسوالف قلت والله لأخرب عليكم وانا بنت ابوي

  + إسستاذه إستاذه 

- نعم نعم ياطالبه ؟ 

+ ابغى ورقة دخول 

- جت الإستاذة الثانيه تطالعني بنظرات وحواجبها مايله أحلف اني يوم رجعت للبيت وانا أحاول ألف حواجبي ماقدرت  

عطوني ورقة دخول والغريب انهم ماسألوني ليش متأخره بقولهم كالعادة راحت علينا نومه وأرجع أستغفر ع الفقش  

دخلت ورافعه خشمي انتصرت ع الإستاذة مايمديها تقولي جيبي ورقة وتتريق هاهاها